Fake news gipakisama nga new normal angay nga pakigbatokan - PCCO Sec. Andanar

By Gideon C. Corgue

PAGADIAN CITY, September 21 (PIA)— Si Secretary Martin Adanar sa Presidential Communication Operations Office mipahayag nga ang mga ‘fake news’ gipakisama usab nga new normal sa atong katilingban karon.

Sa interview kang Sec. Andanar sa DXNO Radyo Komunidad sa dakbayan sa Isabela ning adlawa, nagkanayon nga ang mga fake news nga gipakatag sa mga tigsaway sa kagamhanan usa kini nga new normal ug new normal usab kini nga pakigbatokan.

Matud pa ni Andanar nga ang mga kritiko kabahin sa atong demokrasya.

“Gidawat nato ang mga pagsaway ilabi na sa mga constructive criticisms, apan sa mga obstructionists nga naghimo sa mga dili tinuod nga balita, kini ang atong salaon,” dugang pahayag ni Andanar.

Gidugang pa niya nga sa diwa sa demokrasya, kinahanglan nga atong paminawon ang mga kritiko basin kung ang ilang gisulti tinuod. Apan kung ilang isullti nga ang Duterte legacy usa ka fake news, dili nila matuis ang kamatuoran.

Gidugang pa ni Andanar nga ang Duterte legacy sama sa mosunod: paghatag sa 230,000 nga ektarya sa yuta, libre nga irrigation, libre nga wifi, pag-surrender sa 18,000 nga mga rebelde, pagmugna sa 6.5-M nga mga trabaho pinaagi sa “Build, Build” project, ug paghimo sa NAIA airport isip usa sa mga napulo nga nga pinakamaayo nga tugpahan sa kalibutan mao lamang ang pipila sa daghan nga kalampusan sa Duterte administration nga dili matago sa katawhan.  (EDT/GCC/PIA-Zamboanga del Sur)