PAGADIAN CITY, November 10
(PIA)— Ilusad sa Regional Disaster Risk Reduction Management Council -IX
Regional Task Force COVID-19 (RDRRMC-IX RTF COVID-19) ang Project Haven
Community Development Project sa napulo’g upat ka mga lungsod sa Zamboanga
Peninsula nga ubos ang rate ang pagbakuna sa COVID-19 vaccines.
Ang Project Haven
Community Development mao ang bag-o nga inisyatiba sa RDRRMC-IX RTF COVID-19
nga nagtumong pagpadali sa pagpangbakuna sa mga lungsod sa rehiyon nga naglisod
pagpalihok sa pagbakuna tungod sa pagduha-duha, pagpili sa brand sa bakuna ug
kakulang sa suporta sa local chief executives.
Ang mga giilia nga
munisipyo sa rehiyon mao ning mosunod: Zamboanga del Norte- Leon Postigo,
Mutia, La Libertad, Rizal, ug Sergio Osmena; Zamboanga del Sur- Dumalinao,
Dimataling, Josefina, San Pablo, ug Mahayag; ug Zamboanga Sibugay- Olutanga,
Mabuhay, Talusan ug Kabasalan.
Ilawom sa maong
inisyatiba, ipadala sa RTF COVID-19 ang tulo ka mga grupo nga gilangkuban sa
mga buhatan sa Department of Health, Office of Civil Defense, Department of the
Interior and Local Government, Department of Social Welfare and Development,
Philippine National Police, ug Philippine Information Agency aron magpahigayon
ug on-site technical assistance, supervision ug monitoring sa local vaccination
center (LVOCs) ug key informant interview nga pagahimoon sa Nobyembre 11-23
ning tuiga. (NBE/GCC/PIA-Zamboanga del Sur)
1
No comments:
Post a Comment