PCOO naglusad sa Duterte Legacy Barangayanihan sa tibuok nasud

 

By Gideon C. Corgue

 PAGADIAN CITY, September 30 (PIA)— Gipahibalo ni Secretary Martin Andanar sa Presidential Communication Operations’ Office (PCCO) nga gilusad sa karon sa kagamhanan ang Duterte Legacy Barangayanihan Towards National Recovery sa tibuok nasud.

Sa interview kang Andanar sa DXKD Radio Station, Dipolog City iyang gipahibalo nga ang ‘Barangayanihan’, usa ka nationwide simultaneous ground communications program diin ipahibalo ngadto sa mga katawhan ang mga kalampusan sa administrasyon ni Presidente Duterte.

“Ang Barangayanihan, usa ka offshoot sa Duterte legacy communication campaign nga nagpahibalo ngadto sa mga katawhan sa mga napatuman nga mga programa sa kagamhanan ug mga polisiya ni Presidente Duterte,” pagpasabot ni Andanar.

Dugang pa ni Andanar nga sa maong ‘Barangayanihan’ ipahibalo niini ang mga mga mosunod:  peace and order, Bangsa Moro Organic Law, National Task Force to End Local Communist Armed Conflict, Build, Build, Build Program, poverty alleviation, Anti-Red Tape Act, ease in doing business, ug daghan pang uban.

Ang Barangayanihan pagasalmutan sa tanan nga mga national government agencies nga naghatag ug mga serbisyo ngadto sa katawhan. (EDT/GCC/PIA9-Zamboanga del Sur)