By Gideon C. Corgue
PAGADIAN CITY, October 15
(PIA)—Nasakmit sa inspection team sa Department of Trade and Industry (DTI) ang
mga depektoso nga mga timbangan sa Agora complex ning dakbayan ning bag-o pa
lang.
Matud pa ni Elvis Dablo,
ang hepe sa Consumer Protection Division nga gipahigayon sa ilang buhatan uban
ang Office of the Market Superintendent ang wala gipahibalo nga inspection
pinaagi sa Republic Act 7394 kon Consumer Act of the Philippines nga nagmando
sa provincial, city o municipal treasurers nga strikto nga mopatuman pagsusi sa
mga timbangan sa merkado publiko kung ensakto ba ang timbang niini.
Dugang pa ni Dablo nga gibahin sa tulo ka team ang mga inspectors nga gikan DTI, Philippine Information Agency, National Meat Inspection Commission, Consumers Association of Pagadian City, Inc. (CAPCI), Pagadian-Zamboanga del Sur Chamber of Commerce and Industry (PZCCI) pagsuroy sa meat section, rice and corn section, fish section, ug vegetables section.
Dugtong pa niya nga sa
gatosan ka mga timbangan, sobra sa 30 niini ang nadiskubrehan sa inspection
teams nga depektoso ug kulang sa ensakto nga timbang ug ang uban walay
nakapilit nga 2021 sticker sa lokal nga pangagamhanan.
Gisakmit ug gidala gilayon
sa Office of the Market Superintendent ang mga depektoso nga timbangan ug gipahamtangan
sa silot ang mga stall owners. Human nga nga gire-calibrate ug nabutangan sa
2021 stickers ang mga timbangan, gilukat gilayon kini sa mga stall owners.
(NBE/GCC/PIA-Zamboanga del Sur)
No comments:
Post a Comment