Duterte Legacy campaign mas gipalig-on tungod sa tabang sa private media

By Gideon C. Corgue

PAGADIAN CITY, October 15 (PIA)— Gipahayag ni Secretary Martin Andanar sa Presidential Communication Operations’ Office (PCCO) nga ang Duterte Legacy communication’s campaign ang mas gipalig-on pinaagi sa tabang sa private media.

Sa interview ni Fatima Jinno sa DXSM Radyo Pilipinas Jolo, Sulu kang Secretary Andanar ning adla’w nga Biyernes, iyang gipahibalo sa katawhan nga ang Duterte Legacy campaign lahi sa uban nga mga communication’s campaign tungod sa tabang ug maayo nga relasyon sa PCOO sa private media.

“Lig-on ug maayo ang atong relasyon sa private media. Ug tungod usab sa atong national communication policy, kini ang nahimo nga dalan nga atong matukod ang Laging Handa Crisis communication,” pagpahibalo ni Andanar.

Matud pa ni Andanar nga naandan na nga maayo ang relasyon sa PCOO ug Philippine Information Agency (PIA) sa private media ug kini ang atong mas ipalig-on pa.

Takus kahinumduman nga ang Kapisanan ng mga Brodkaster ng Pilipinas (KBP) nahimong kanunay nga kaabag sa PCCO ug PIA sa Laging Handa Network Briefing program niini pinaagi pagsibya sa mga radio stations aron madungog sa mga katawhan ang mga kalampusan nga nahimo sa kagamhananan ni Presidente Rodigo Duterte. (NBE/GCC/PIA-Zamboanga del Sur)